ജീവിതശൈലീരോഗ നിയന്ത്രണ പരിപാടി (Lifestyle Disease Control Program)

എടപ്പാൾ ബ്ലോക്ക് പഞ്ചായത്ത്, ആരോഗ്യകേരളം, അരുണിമ എന്നിവയുമായി സഹകരിച്ച് എടപ്പാൾ ബ്ലോക്ക് കുടുംബാരോഗ്യ കേന്ദ്രത്തിൽ (CHC) 2025 ഓഗസ്റ്റ് 5-ന് സമഗ്രമായ ഒരു ജീവിതശൈലീരോഗ നിയന്ത്രണ പരിപാടി വിജയകരമായി സംഘടിപ്പിച്ചു. പൊതുജനാരോഗ്യത്തിനും രോഗപ്രതിരോധത്തിനും ഊന്നൽ നൽകിക്കൊണ്ട് സംഘടിപ്പിച്ച ഈ ക്യാമ്പിന് മികച്ച പ്രതികരണമാണ് ലഭിച്ചത്.

എടപ്പാൾ ബ്ലോക്ക് പഞ്ചായത്ത് പ്രസിഡന്റ് ശ്രീ. സി. രാമകൃഷ്ണൻ പരിപാടി ഔദ്യോഗികമായി ഉദ്ഘാടനം ചെയ്തു. വട്ടംകുളം ഗ്രാമപഞ്ചായത്ത് പ്രസിഡന്റ് ശ്രീമതി. സി.വി. സുബൈദ ചടങ്ങിൽ അധ്യക്ഷത വഹിച്ചു. 

ക്യാമ്പിന്റെ ഭാഗമായി താഴെ പറയുന്ന സേവനങ്ങൾ സൗജന്യമായി നൽകി:

• രക്തസമ്മർദ്ദ പരിശോധന

• പ്രമേഹ പരിശോധന

• ക്ഷയരോഗ പരിശോധന

• ഹീമോഗ്ലോബിൻ പരിശോധന

• കാഴ്ച പരിശോധന

• കാൻസർ ബോധവത്ക്കരണം

• കാൻസർ രോഗ പരിശോധന (വായിലെയും സ്തനങ്ങളിലെയും)

• വിദഗ്ദ്ധരുടെ കൗൺസിലിംഗ്

• ഡയറ്റീഷ്യന്റെ സേവനം

• പോഷകാഹാര പ്രദർശന മത്സരവും സംഘടിപ്പിച്ചു

ജീവിതശൈലീരോഗങ്ങൾ നേരത്തേ കണ്ടെത്തുന്നതിനും ആവശ്യമായ ബോധവൽക്കരണം നൽകുന്നതിനും ഈ പരിപാടി ഏറെ സഹായകമായി. ക്യാമ്പ് വൻ വിജയമാക്കി മാറ്റിയ എല്ലാ പൊതുജനങ്ങൾക്കും, ആരോഗ്യ പ്രവർത്തകർക്കും, ജനപ്രതിനിധികൾക്കും കുടുംബാരോഗ്യ കേന്ദ്രം നന്ദി രേഖപ്പെടുത്തി.